10.84 °C თბილისი, საქართველო | 2022-05-20  
08:49:59

ენერგეტიკული ბირჟის ამოქმედება 2022 წლის მარტამდე გადავადდა

By: Admin
2021-11-26 15:11:26
204

საქართველოში ენერეტიკული ბირჟის სრულფასოვანი ამოქმედება 2022 წლის 1 იანვარს იგეგმებოდა თუმცა, როგორც ირკვევა, მისი ამოქმედება 3 თვით გადავადდება. შესაბამისად, ამ დროის განმავლობაში ბირჟას არ ექნება ის ძირითადი ფუნქცია, რაც ფასის დადგენას გულისხმობს.

შეგახსენებთ, რომ ბირჟის ამოქმედება თავდაპირველად 2021 წლის ივლისში იგეგმებოდა, თუმცა ის 2022 წლის იანვრამდე გადავადდა. 

ბირჟის ამოქმედების გადავადებას პრემიერ-მინისტრმა ირაკლი ღარიბაშვილმა ხელი 24 ნოემბერს მოაწერა, თუმცა რამდენიმე დღის წინ, თავად ენერგეტიკული ბირჟის ხელმძღვანელმა ირინა მილორავამ BMG-ის განუცხადა, რომ ბირჟა 1 იანვრიდან ამოქმედდებოდა.
"ჩვენ ორივე ბაზარი ერთად უნდა გავუშვათ 1 იანვრიდან და ვინაიდან ეს ორი ბაზარი ერთმანეთთან არის დაკავშირებული, ორივე უნდა იყოს მზად ამ პროცესისთვის.

წელს, რადგან 1 ივლისისთვის იყო ორივე ბაზრის გაშვება დაგეგმილი, აპრილიდან სატესტო ვაჭრობები დაიწყო, ოღონდ გაერთიანებულ ფორმატში, რაც იმას ნიშნავდა, რომ ბაზრის მონაწილეები აკეთებდნენ განაცხადებს ჩვენთან ელექტროენერგიის ყიდვასა და გაყიდვაზე, ჩვენთან იხურებოდა აუქციონი, ვიღებდით ვაჭრობის შედეგებს და შემდეგ, ეს შედეგები გადაეცემოდა საბალანსო ოპერატორს, რადგან ვაჭრობის შეჯამება ხდება საბალანსო ბაზრის ოპერატორთან, სადაც ასევე თავს იყრის ორმხრივი ხელშეკრულებების ბაზარზე ნავაჭრი ელექტროენერგია და იქ ხდება შემდეგ უბალანსობის გაანგარიშება და საბოლოო სურათის ჩამოყალიბება," - აცხადებდა მილორავა.

Share